काठमाडौं । दुई वर्षपछि आजदेखि भौतिक उपस्थितिमा माध्यमिक शिक्षा परीक्षा (एसईई) परीक्षा सुरु भएको छ । राष्ट्रिय परीक्षा बोर्डका अनुसार यस वर्षको एसईईमा ५ लाख १४ हजार ७६० जना परीक्षार्थी सहभागी छन् ।
एसईई परीक्षाका लागि देशभर २ हजार ७ परीक्षा केन्द्र तय गरिएको बोर्डले जनाएको छ । आज पहिलो दिन बिहान ८ बजेदेखि अँग्रेजी विषयको परीक्षा हुँदैछ ।
दुई वर्ष कोरोना महामारीका कारण भौतिक उपस्थितिमा बोर्ड परीक्षा हुन सकेको थिएन । यसअघि दुई वर्ष आन्तरिक मूल्यांकनबाट विद्यार्थीलाई एसईई उत्तीर्ण गराइएको थियो ।
परीक्षामा ११ हजार ६१५ विद्यालयबाट नियमिततर्फ एक लाख ५७ हजार ९१४ छात्र र २ लाख ५७ हजार ५३ जना छात्रा सहभागी हुने बोर्डले जनाएको छ ।
परीक्षा वैशाख २० गतेसम्म सञ्चालन हुनेछ । बोर्डले आगामी असार मसान्तभित्र नतिजा सार्वजनिक गर्ने तयारी पनि गरेको छ ।
