काठमाडौं । काठमाडौंको ठमेलस्थित एक होटलबाट खसेर एक विदेशी नागरिकको मृत्यु भएको छ ।
बुधबार बिहान ठमेलको होटलबाट खसेका आयरल्यान्डका ३३ वर्षीय एलन मिक फिलिप्सको मृत्यु भएको प्रहरीले जनाएको छ । उनी ठमेलको होटल मनाङमा बसेका थिए।
बिहान करिब साढे २ बजे सातौं तलामा रहेको छतबाट खसेर उनको मृत्यु भएको बताइएको छ ।
फिलिप्स त्यस होटलमा एक जना साथीसँग बसेका थिए । उनका अरू साथीहरू पनि नेपालमा आए/नआएको बुझ्ने काम भइरहेको प्रहरीले जनाएको छ । मृतकको शव पोष्टमार्टमको लागि त्रिवि शिक्षण अस्पताल पठाएको छ । प्रहरीले घटनाबारे थप अनुसन्धान थालेको छ ।
