काठमाडौं । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले यही वैशाख ३० मा हुन गइरहेको स्थानीय तह निर्वाचन नसर्ने दाबी गरेका छन् ।
पार्टी केन्द्रीय कार्यालय पेरिसडाँडामा आयोजित पत्रकार सम्मेलनमा उनले मुलुक चुनावमा होमिएको बताउँदै चुनाव सर्ने कुनै सम्भावना नरहेको प्रस्ट पारे । उनले भने, निर्वाचन सर्दैन । गठबन्धनमा निर्वाचन सार्नेबारे कुनै तर्क वितर्क भएको छैन । हामी निर्वाचनमा केन्द्रित भएर लागेका छौं ।’
यस्तै, आज बेलुकासम्म गठबन्धनमा महानगर र उपमहानगरपालिकाको भागबण्डा टुंगो लाग्ने उनले बताए ।
