काठमाडौं । निलम्बित गभर्नर महाप्रसाद अधिकारीले सरकार विरुद्ध दायर गरेको रिट सर्वोच्च अदालतमा दर्ता भएको छ । सरकारले गैर कानूनी रुपमा आफूलाई हटाईएको भन्दै अधिकारीले आईतबार रिट दर्ता गर्न खोज्नु भएको थियो ।
यो पनि पढ्नुहोस- गभर्नर प्रकरणः प्रधानमन्त्रीको काँधमा अर्थमन्त्रीको बन्दुक, निसानामा महाप्रसाद
सर्वोच्च प्रशासनले थप अध्यायन पछि मात्र रिट दर्ता गर्ने भने पछि हिजो रिट दर्ता हुन सकेको थिए । रिटमा आफुलाई गभर्नर पदबाट निलम्बन गर्ने सरकारको निर्णय खारेज गर्न र निरन्तर काम गर्न दिने गरी अन्तरिम आदेशको माग गरिएको छ । रिटको सुनुवाईका लागि मंगलबार पेशी तोकिएको छ ।
अमेरिकाबाट संकास्पद रूपमा ४० करोड रुपैयाँ बराबरको रकम भित्र्याउन खोजेको तर गभर्नर अधिकारीले त्यसलाई रोकेपछि अर्थमन्त्री जनार्दन शर्माले अन्य आक्षेप लगाउदै आफु अनुकुल छानबिन समिति बनाएर उहाँलाई निलम्बन गर्नुभएको थियो ।
