काठमाडौँ । नेकपा एमाले अध्यक्ष केपी शर्मा ओलीले विकास र समृद्धि तर्फको यात्रामा गम्भीर अवरोध उत्पन्न भएको बताउनु भएको छ । नयाँ वर्षको २०७९ को अवसरमा शुभकामना सन्देश जारी गर्दे अध्यक्ष ओलीले गत वर्ष राजनीतिक स्थिरताको दृष्टिकोणबाट सुखद नरहेको उल्लेख गर्नुभयो ।
सन्देशमा ओलीले भन्नुभएको छ “केही अवाञ्छित शक्तिका प्रतिगामी उद्देश्य र केही राजनीतिक व्यक्तिहरूको जङ्गली आकाङ्क्षा, कुण्ठा र ईर्ष्याका कारण केही वर्षदेखि सुरु भएको हाम्रो विकास र समृद्धि तर्फको यात्रामा गम्भीर अवरोध उत्पन्न हुन पुग्यो। ”
सन्देशमा भनिएको छ “विसङ्गति, बेथिति र अस्थिरताका पुराना दूषित खेलको फेरि पुनरावृत्ति भएको छ ।” शुभकामना सन्देशमा भनिएको छ गत वर्षबाट गठबन्धनका नाममा चरम स्वार्थी समूह राज्य शक्तिको दुरुपयोगमा सक्रिय भएको भन्नुहुँदै व्यवस्थापिका निकम्मा हुन पुगेको र कार्यपालिकाको छायामुनि न्यायपालिका क्रमशः आफ्नो स्वतन्त्र पहिचान गुमाउँदै गएको छ । “संवैधानिक विचलन र अराजकताको विकृत उत्पादनको रूपमा जन्माइएको कर्तव्य, लक्ष्य तथा गन्तव्यहीन कार्यपालिका अकर्मण्य मात्रै होइन भ्रष्टाचारमा निर्लिप्त छ ।
अध्यक्ष ओलीले सन्देशमा भन्नुभएको छ “केही वर्षयता हामीले सुरु गरेको विकासको राष्ट्रिय बहसको सट्टा अहिले सत्ता शक्तिको अनुचित भागबन्डा, लेनदेन र राज्य स्रोतको दोहनमा केन्द्रित हुन पुगेको छ । ”
