काठमाडौं । अभिनेता पल शाहले सर्वोत्कृष्ट नायकको अवार्ड जितेका छन् ।
चलचित्र विकास बोर्डमा आज प्रदान गरिएको बक्स अफिस फिल्म अवार्डमा जबरजस्ती करणीको आरोपमा जेल जीवन बिताइरहेका शाह सर्वोत्कृष्ट नायक घोषित भएका हुन् ।
‘म यस्तो गीत गाउँछु २’ बाट पलले सर्वोत्कृष्ट नायकको अवार्ड जित्दा सोही चलचित्रबाट पूजा शर्मा पनि सर्वोत्कृष्ट नायिका बन्न सफल भइन् । यस्तै, सोही चलचित्रबाट सुदर्शन थापाले सर्वोत्कृष्ट निर्देशकको अवार्ड जितेका छन् ।
यस्तै चलचित्रले वर्षकै सफल चलचित्रको अवार्डसमेत जितेको छ । अवार्ड समारोहमा निर्देशक थापा र नायिका पूजा उपस्थित थिए । जेलमा रहेका पल शाह उपस्थित नभएपछि उनको अवार्ड पनि पुजाले थापेकी थिइन् ।
