• ४ असार २०८१, मंगलवार
  •      Tue Jun 18 2024
  •   Unicode
Logo
Latest
★   औद्योगिक क्रान्तिमा परेका देशका चुनौती सम्बोधन गर्न प्रधानमन्त्रीको आग्रह ★   सूर्यविनायक–धुलिखेल सडक विस्तार सुस्त: डेढ वर्षमा २५ प्रतिशत प्रगति ★   भारतीय फुटबल महासंघले प्रशिक्षक इगोरलाई बर्खास्त गर्यो ★   लुक्लामा दश दिनदेखि हवाई उडान ठप्प, पर्यटक मर्कामा ★   साहिल चौहानले टी-२० आईको सबैभन्दा छिटो शतक बनाए, नेपालविरुद्ध नामिबियाका इटनले बनाएको कीर्तिमान तोडे ★   मध्यपहाडी लोकमार्ग : निर्धारित समयअगावै भालुखोला र मेवाखोलामा पुल निर्माण ★   आज पनि बजेटमा मन्त्रालयगत छलफल जारी ★   इजराइली प्रधानमन्त्रीद्वारा युद्ध मन्त्रिपरिषद् भङ्ग ★   युरो कपः फ्रान्स, स्लोभाकिया र रोमानिया विजयी ★   ४ ओभर, ४ मेडन र ३ विकेटः न्युजिल्यान्डका बलरले टी-२० विश्वकपमा रचे इतिहास

श्रीलंकामा राजापाक्षे सरकार ढल्न सक्ने, ४० सांसदले ‘छाडे’, राष्ट्रपति अझै अडिग



कोलम्बो । श्रीलंकामा चरम राजनीतिक उथलपुथलका बीच राष्ट्रपति गोटाबाया राजापाक्षेको सरकारले संकटको सामना गरिरहेको छ । चरम आर्थिक संकटबाट गुज्रिरहेको श्रीलंकाका राष्ट्रपतिले राजीनामा दिन अस्वीकार गरेका छन् । योसँगै विपक्षी दलले पनि राजापाक्षेको सरकारमा सहभागी हुन अस्वीकार गरेका छन् ।

यसैबीच श्रीलंकाको संसद्मा सम्पूर्ण संकटबारे छलफलका क्रममा ४० सांसदले सत्तारुढ दलबाट अलग बस्ने घोषणा गरेका छन् । संसद्बाहिर हिंस्रक प्रदर्शन भइरहेका छन् भने विपक्षी दलले संसद्मा मतदान गराउन जोड दिइरहेका छन् ।

श्रीलंकाका पूर्व मन्त्री विमल वीरभान्साले १७ सांसदले स्वतन्त्र समूहका रूपमा संसदमा बस्ने निर्णय गरेको घोषणा गरेका छन् । यसैबीच श्रीलंका पोदुजाना पेरामुना (एसएलपीपी) ले पनि सत्तारुढ दलका १२ सांसदले संसद्मा छुट्टाछुट्टै बस्ने घोषणा गरेको छ ।

श्रीलंकाका पूर्व राष्ट्रपति मैत्रीपाला श्रीसेनाले पनि १६ सांसद अलग बस्ने बताएका छन् । संसद्को चालु अधिवेशनमा यी सांसदहरुले आफ्नो निर्णय घोषणा गरेका हुन् ।

यसैबीच राष्ट्रपति गोटाबाया राजापाक्षेले आफूले राजीनामा नदिने तर संसद्मा ११३ सिट भएको कुनै पनि दललाई सरकार हस्तान्तरण गर्न तयार रहेको बताएका छन् ।

एसएलपीपीले ११३ सिट कब्जा गर्ने प्रयास

डेली मिरर अखबारका अनुसार सोमबार राजापाक्षेले देशभरि सार्वजनिक विरोधका बीच धेरै राजनीतिक बैठकहरू गरे ।

राष्ट्रपतिको श्रीलंका पोदुजाना पेरामुना (एसएलपीपी) अब आफ्नो ११३ सीटहरू कब्जा गर्न कोशिस गर्दैछ ताकि यो साधारण बहुमतको साथ सरकारमा रहन सकोस् । जबकि प्रधानमन्त्री महिन्दा राजापाक्षे नै रहनेछन् ।

यसैबीच एसएलपीपीको मुख्य गठबन्धन साझेदार श्रीलंका फ्रिडम पार्टी (एसएलएफपी) ले सबै १४ सांसदहरूले सरकार छोड्ने घोषणा गरेको छ।

गोटाबाया राजापाक्षे उनका भाइ महिन्दा राजपाक्षेको सरकारमा पूर्व रक्षा सचिव थिए । गोटाबायाले तमिल विद्रोही टाइगर्स विरुद्ध २६ वर्षको युद्ध अन्त्य गर्न महत्वपूर्ण भूमिका खेलेका थिए।

२०१९ को राष्ट्रपतीय निर्वाचनमा उनी ६९ लाखभन्दा बढी मतका साथ दुईतिहाइ बहुमतका साथ राष्ट्रपति निर्वाचित भएका थिए।

डलरको सञ्चितिमा ह्रास र अवमूल्यनले श्रीलङ्काको आर्थिक संकटलाई बाध्य बनायो । फलस्वरुप इन्धन, एलपी ग्यास, बिजुली र अत्यावश्यक खाद्यान्नको चरम अभाव भयो र मानिसहरूले राजापाक्षेलाई तुरुन्तै राजीनामा दिन आह्वान गरिरहेका छन्। एजेन्सीको सहयोगमा