काठमाडौं । मेक्सिकोमा गोली हानेर २० जनाको हत्या भएको छ ।
आइतबार स्थानीय समय अनुसार बिहान साढे १० बजेतिर मध्यमेक्सिकोको मिचोआकन राज्यस्थित लास टिनाजस शहरमा आयोजित एक उत्सवमा सहभागीहरुमाथि गोली चल्दा २० जनाको मृत्यु भएको हो ।
घटनास्थलबाट १६ पुरुष र ३ महिला गरी १९ जनाको शव संकलन गरिएको र एकजनाको अस्पतालमा उपचारको क्रममा मृत्यु भएको स्थानीय अधिकारीले बताएका छन् ।
अस्पतालमा ६ जनाको उपचार जारी रहेको सीबीएस न्यूजले जनाएको छ । हत्याको कारण नखुलेको र अनुसन्धान जारी रहेको बताइएको छ ।
