काठमाडौं । नेपाल र पपुवा न्युगिनी (पीएनजी) बीच दोस्रो एकदिवसीय अन्तर्राष्ट्रिय क्रिकेट आज हुँदैछ ।
नेपालले टस जितेर पहिले ब्याटिङ रोजेको छ । घरेलु मैदान टियु क्रिकेट मैदानमा पीएनजीसँग नेपालले पहिलो पटक एकदिवसीय खेल खेलिरहेको छ ।
शुक्रबार भएको पहिलो खेलमा नेपाल पिएनजीसँग नाटकीय रुपमा पराजित भएको थियो । कीर्तिमानसहित जितउन्मुख भएर पनि अन्तिम समयमा नेपाल पीएनजीसँग ६ रनल पराजित भएको थियो। नेपालका रोहित पैडेलले शतक प्रहार गरे पनि हारले उनको शतक फिक्का बनेको थियो ।
यो दुई खेलको एकदिवसीय शृङखलामा मुख्य प्रशिक्षक पुबुदु दशानायकेले युवा खेलाडीलाई अवसर दिएका छन् ।
