काठमाडौं । नेपालले पहिलो एकदिवसीय अन्तर्राष्ट्रिय क्रिकेटमा आज (शुक्रबार) पपुवा न्युगिनी (पीएनजी)विरुद्ध प्रतिस्पर्धा गर्दैछ ।
नेपालले पीएनजीसँग दुई ओडिआई सिरिज अन्तर्गत पहिलो पटक घरेलु मैदान टियुमा खेल्न लागेको हो ।
खेल बिहान ९ बजे टियु मैदान कीर्तिपुरमा हुनेछ । नेपाललाई घरेलु मैदान र समर्थक दुबैको साथ रहेकाले उच्च मनोबलका साथ मैदान उत्रदैछ ।
यसै साता नेपालले आइसिसी विश्वकप लिग–२ त्रिकोणात्मक ओडिआई सिरिजमा पपुवा न्युगिनीलाई २ विकेट र ७ विकेटले पराजित गरेको थियो ।
गत असोजमा दुबै ओडिआई खेलमा नेपाल २ विकेट र १ सय ५१ रनले विजयी बनेको थियो ।
२०१८ मा नेपालले एकदिवसिय विश्वकप छनोटमा जिम्बावेलाई ६ विकेटले हराउँदै ओडिआई मान्यता पाएपछि नेपाल पपुवा न्युगिनीसँग हाबी हुँदै सम्पूर्ण खेल आफ्नो पक्षमा पारेको छ । नेपाल पपुवा न्युगिनीमाथि लगातार छैटौं जित निकाल्ने सोचमा हुनेछ ।
दुई खेलको एकदिवसीय सिरिज र त्रिदेशीय टी–ट्वान्टी सिरिजका लागि पीएनजी नेपालको भ्रमणमा आएको हो । दोस्रो खेल शनिबार हुनेछ ।
