काठमाडौँ । पाकिस्तानको राष्ट्रिय दिवसको पूर्वसन्ध्यामा नेपालस्थित पाकिस्तानी दूतावासमा आज पास्तिानी राष्ट्रिय झण्डा फहराइएको छ । नेपालस्थित पाकिस्तानी राजदूत सैयद हैदर शाहले राष्ट्रिय झण्डा फहराउनुभएको थियो ।
सो अवसमार पाकिस्तानका राष्ट्रपति, प्रधानमन्त्री र विदेशमन्त्रीले दिएको सन्देश पढेर सुनाइएको थियो ।
त्यस अवसरमा राजदूत शाहले मुस्लिम समुदायले सन् १९४० मा आफ्नो र आफ्ना भावी पुस्ताका लागि छुट्टै गृहभूमि निर्माण गर्ने दृढ सङ्कल्पको स्मरण गराउनुभयो ।
उहाँले हाम्रा पुर्खाहरुले परिकल्पना गरेको पाकिस्तानलाई मातृभूमि बनाउने प्रतिबद्धतालई पुनःपुष्टि गर्ने आवश्यकतालाई जोड दिनुभयो ।
