काठमाडौं । प्रमुख प्रतिपक्षी नेकपा (एमाले) को केन्द्रीय कमिटी बैठक आज बस्दैछ । बैठक बिहान ११ बजे बबरमहलस्थित कार्की बैंक्वेटमा बस्ने तयारी भएको छ।
बैठकमा अध्यक्ष केपी शर्मा ओलीले समसामयिक राजनीतिक प्रतिवेदन पेस गर्ने र त्यसमाथि छलफल हुने प्रचार बिभागका उपप्रमुख बिष्णु रिजालले जानकारी दिनुभयो
बैठकमा पार्टीका विभागलाई पूर्णता दिने, स्थानीय तहका उम्मेदवार सिफारिसको मापदण्ड प्रक्रिया तयार गर्ने, स्थानीय निर्वाचनको घोषणापत्र, निर्वाचनमा पार्टी नेतृत्वको भूमिका, पार्टी स्थापना दिवस, सचिवालय र पोलिटब्युरो कमिटी बैठकको निर्णय अनुमोदनलगायत प्रस्ताव पनि बैठकमा प्रस्तुत हुनेछ ।
