काठमाडौँ । ह्वाट्स एपबाट ठगि गर्ने एक जना व्यक्तिलाई प्रहरीले नियन्त्रणमा लिएको छ ।
प्रयोगकर्ताहरुको मोबाईलमा सम्पर्क गरी विभिन्न व्यक्तिहरुलई चिठ्ठा परेको छ भन्दै ठगी गर्ने व्यक्ति पक्राउ परेका हुन् ।
पक्राउ पर्नेमा रुकुम रन्मामैमकोट गाउँपालिका– ३ नेपालटारका ३३ वर्षीय विकाश गुरुङ रहेका छन् । उनले विदेशबाट सामान पार्सल आएको छ भनि सो सामान लिन र चिठ्ठामा दावी भुक्तानी लिन कर तिर्नु पर्ने झुट्टा बहाना बनाई कर बापतको रकम विभिन्न व्यक्तिको बैंक खातामा जम्मा गर्न लगाई ठगि गर्ने गर्ने गरेका थिए ।
गुरुङलाई गोप्य सुचनाको आधारमा महानगरीय अपराध महाशाखाबाट खटिएको प्रहरी टोलीले मिति कार्तिक २६ गते दिउँसो गैरीधाराबाट ठगि गरेको रकम सहित पक्राउ गरेको हो । पक्राउ परेका उनलाई अनुसन्धानका लागि महानगरी प्रहरी परिसर पठाईएको प्रहरीले जनाएको छ ।