काठमाडौं । पेट्रोलियम पदार्थमा भएको मूल्यवृद्धि फिर्ता लिनुपर्ने मागसहित नेत्रविक्रम चन्द ‘विप्लव’ नेतृत्वको नेकपाले मंगलबार (भोलि)को लागि घोषणा गरेको नेपाल बन्द फिर्ता नलिने बताएको छ ।
सरकारले पेट्रोलियम पदार्थ, खाना पकाउने ग्याँस र मट्टितेलमा मूल्यवृद्धि गरेर गरिब निमुखा जनताको ढाड सेक्ने काम गरेको भन्दै सो समूअले गतहप्ता नेपाल बन्द गर्ने घोषणा गरेको थियो । बन्दको कार्यक्रम शान्तिपूर्ण तरिकाले गर्ने सो समूहले जनाएको छ ।
अत्यावश्यक साधन एम्बुलेन्स, शवबाहन, खानेपानी, प्रेस, दुग्धजन्य पदार्थ बोकेकाबाहेक अन्य सावारी साधनलाई सडकमा चल्न नदिने बताइएको छ ।
यस्तै बन्द सफल बनाउनका लागि विहान ५ बजेदेखि बेलुका ५ बजेसम्म देशभर मूख्य सडकका चोक चोकमा कार्यकर्ताहरु उतार्ने विप्लव समूहको तयारी छ ।
