काठमाडौ । सत्तागठबन्धनमा रहेका पाँच दलले राष्ट्रिय सभा, प्रतिनिधि सभा तथा प्रदेश सभाको आसन्न उपनिर्वाचनमा सहकार्य गर्ने प्रतिबद्धता जनाएका छन् । गठबन्धनमा रहेका दलका शीर्ष नेताहरूले मंगलबार साँझ एक विज्ञप्ति जारी गर्दै निर्बाचनमा सहकार्य गर्ने सहमति गरेका हुन् ।
बिज्ञप्तिमा गठबन्धनको सरकार बनिसकेपछि मुलुक राजनीतिक लिकमा फर्किएको समेत दाबी पनि गरिएको छ । यसै गरी राष्ट्रियता, लोकतन्त्र संवर्द्धन, संविधानको रक्षा र सुशासनको प्रवर्द्धनलाई वर्तमान गठबन्धन सरकारले मूल मन्त्र बनाएको उल्लेख गरिएको छ ।
बिज्ञप्तिमा प्रधानमन्त्री एवं कांग्रेस सभापति शेरबहादुर देउवा, माओवादीकेन्द्रका अध्यक्ष पुष्पकमल दाहाल प्रचण्ड, एकीकृत समाजवादीका अध्यक्ष माधवकुमार नेपाल, जनता समाजवादी पार्टीका नेता अशोक राई र राष्ट्रिय जनमोर्चा नेतृ दुर्गा पौडेलले हस्ताक्षर गर्नुभएको छ ।
