काठमाडौं । प्रधानन्यायधीशले तोकेको ईजलासमा फर्किएका ५ जना न्यायाधीशलाई नेपाल बार एसोसिएसनका पदाधिकारीहरुले भेट गर्न लागेका छन् । २० दिन देखी ईजलास बहिष्कार गरेका न्यायाधीशहरू तेजबहादुर केसी, कुमार रेग्मी, बमकुमार श्रेष्ठ, मनोजकुमार शर्मा र कुमार चुडाल काममा फर्किपछि नेपाल वारको टोलीले भेट गर्न लागेको हो ।
बार अध्यक्ष चण्डेश्वर श्रेष्ठले संञ्चारकर्मीहरु संग भन्नुभयो 'उहाँहरूलाई हाम्रो आन्दोलनमा साथ दिनुस्, न्यायालयको विकृतिविरुद्ध जारी अभियानलाई साथ दिनुस् भनेर कुरा राख्न जान लागेका छौं । ' श्रेष्ठले भन्नुभयो '५ न्यायाधीशहरुलाई २० दिन किन इजलास बहिष्कार गरेको र केही परिवर्तन नभई इजलासमा फर्किएको भनेर जानकारी पनि लिन्छौ ।'
प्रधानन्यायाधीश चोलेन्द्र शमशेर जबराको राजीनामा माग्दै २० दिन देखी न्यायधीशहरुले इजलास बहिस्कार गरेका छन् भने नेपाल बार एसोसिएसनले आन्दोलन गर्दे आईरहेको छ ।