विराटनगर । प्रदेश नं १ का मुख्यमन्त्री राजेन्द्र राईले मागेको विश्वासको मतमा मत विभाजन सुरु भएको छ ।
बुधबारको प्रदेश सभाको बैठकमा संविधानको धारा १६८ को उपधारा ४ बमोजिम विश्वासको मत दिन राईले गरेको प्रस्तावमा सभामुख प्रदिपकुमार भण्डारीले मत विभाजन गराए ।
प्रदेश सांसदले नामसहितको दस्तखत गराएर पक्ष र विपक्षमा मत विभाजन गर्दैछन् ।
सरकारमा सहभागी पाँच दलीय गठबन्धनमा ५० सांसद छन् । ९३ जना प्रदेशसभा सदस्य रहेको प्रदेश १ मा बहुमतका लागि ४७ मत आवश्यक पर्छ । प्रमुख प्रतिपक्षी दल नेकपा एमालेसँग ४० र राप्रपासँग एक सांसद रहेका छन् ।