काठमाडौं । प्रमुख विपक्षी दल नेकपा एमालेका अध्यक्ष केपी शर्मा ओलीले आफ्नो सरकारको पालामा विकासको लहर आएको बताएका छन् ।
नेपालगञ्जमा पार्टी प्रवेश कार्यक्रमलाई सम्बोधन गर्दै अध्यक्ष ओलीले आफ्नो नेतृत्वको सरकारले विकासको लहर ल्याएर विश्वसामू पहिचान बनाएको बताउँदै तर गठबन्धनलाई त्यो कुरा मन नपरेको आरोप लगाएका हुन् ।
ओलीले भने, ‘नेपाल तीव्र ढंगले विकास गर्ने विश्वका १० देशको सूचीमा परेको थियो तर, हामीले गरेको विकास विकासविरोधी गठबन्धनलाई मन परेन ।’
यस्तै ओलीले अहिले आफ्नो पार्टीलाई विकास गर्नबाट रोकिएको र फेरि पालो आएपछि अधुरा योजना पूरा गर्ने पतिवद्धता जनाए ।
आफू प्रधानमन्त्री हुँदा चलाएका अभियानको जस वर्तमान प्रधानमन्त्री शेरबहादुर देउवाले लिन थालेको आरोप समेत उनले लगाए ।