काठमाडौं । प्रधानमन्त्री शेरबहादुर देउवा र दक्षिण तथा मध्य एसियाली मामिला हेर्ने अमेरिकी सहायक विदेशमन्त्री डोनाल्ड लु बीच आज भेटवार्ता हुदैछ । आफ्नो दुई दिने भ्रमणको पूर्वसन्ध्यामा अमेरिकी सहायक विदेशमन्त्री लु बुधबार राती काठमाडौँ आईपुग्नु भएको हो । लु ले शुक्रबार परराष्ट्रन्त्री डा. नारायण खड्कासँग शिष्टाचार भेट गर्ने कार्यक्रम रहेको परराष्ट्रमन्त्रालयले जनाएको छ ।
यो पनि पढ्नुहोस- अमेरिकी सहायक विदेशमन्त्री डोनाल्ड लु नेपाल आउदै
नेपाल भ्रमणका क्रममा उहाँले सरकारका नेतृत्वकर्ताहरूसँग भेटघाट गर्नुका साथै सांस्कृतिक सम्पदा स्थलहरूको अवलोकन गर्नुहुने नेपाल स्थित अमेरिकी दुताबासले जनाएको छ । यसैगरी नेपाली अधिकारी र नागरिक समाजका उदीयमान अगुवाहरूसँग भेटघाट गर्नुहुने दूताबासले जनाएको छ ।
अमेरिका र नेपालबिच कूटनीतिक सम्बन्ध स्थापित भएको ७५ वर्ष पुग्नु ठीक अगाडि उहाँहरूको भ्रमण हुन लागेको हो। कोभिड १९, जलवायु परिवर्तन र लोकतन्त्रको सबलीकरण जस्ता राष्ट्रपति बाइडेनका उच्च प्राथमिकतामा रहेका चुनौतीहरूका बारे उहाँहरूले छलफल गर्नुहुनेछ। लु लाई अमेरिकी राजदूत र्यान्डी बेरी र नायब शिष्टाचार महापाल रेवतीरमण पौडेलले बिमानस्थलमा स्वागत गर्नुभएको थियो ।
