काठमाडौं । प्रधानमन्त्री शेरबहादुर देउवासँग अमेरिकी सहायक विदेशमन्त्री डोनाल्ड लुबी र अमेरिकी उपसहायक विदेशमन्त्री केली किडरलिङले भेटवार्ता गर्नुभएको छ ।
प्रधानमन्त्री निबास वालुवाटारमा भएको द्विपक्षीय भेटवार्तामा नेपाल र अमेरिकाबीच रहिआएको परम्परागत मित्रता, आपसी सहायता र द्धिपक्षीय सम्बन्धका विविध आयामबारे छलफल भएको छ ।
भेटवार्तामा कोभिड–१९ महामारी र जलवायु संकटविरुद्ध नेपाललाई सघाउनेबारे छलफल भएको अमेरिकी राजदूत र्यान्डी बेरीले जानकारी दिनुभयो । अमेरिकी उच्च अधिकारीले शुक्रबार रक्षामन्त्री, गृहमन्त्री सहित सरकारी अधिकारीहरुलाई भेट गर्ने कार्यक्रम रहेको छ ।