नेपाली कांग्रेसको आगामी १४औँ महाधिवेशनका लागि गठित आर्थिक समिति विस्तार गरिएको छ । आर्थिक समितिका संयोजक एवम् सञ्चार तथा सूचना प्रविधिमन्त्री ज्ञानेन्द्रबहादुर कार्कीले चार सल्लाहकार र १० सदस्य मनोनयन गर्नुभएको हो ।
आर्थिक समितिको सल्लाहकारमा विनोद चौधरी, दीपकुमार उपाध्याय, दिव्यमणि राजभण्डारी र पाल्देन गुरुङलाई मनोनयन गरिएको छ । सदस्यमा दीपक खड्का, उमेश श्रेष्ठ, जीपछिरिङ लामा, मोहन आचार्य, इन्द्र बानियाँ, अनिल रुङ्गटा, महेश जाजु, वीरेन्द्र कनोडिया, रामकृष्ण भट्टराई र दयाराम पाण्डेलाई मनोनयन गरिएको छ ।
समितिले १४औँ महाधिवेशन सम्पन्न गर्नका लागि आवश्यक पर्ने खर्चको हिसाबकिताब गरेर आवश्यक पर्ने खर्च जुटाउने काम गर्ने समितिका सदस्य दीपक खड्काले राससलाई जानकारी दिनुभयो । पार्टीको गत कात्तिक २८ गते बसेको केन्द्रीय समितिको बैठकले मन्त्री कार्कीलाई महाधिवेशन आर्थिक समितिको संयोजकको जिम्मेवारी सुम्पेको थियो ।