• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन ★   आयरल्यान्ड ‘ए’ सँग नेपाल ‘ए’ २१ रनले पराजित ★   संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको छ: प्रधानमन्त्री दाहाल

कोमल ओलीले अव विहे नगर्ने–राजनीतिमा आउने



–श्याम स्मृत
काठमाडौं। चर्चित लोकदोहरी गायिका कोमल ओलीले अव विहे नगर्ने पक्का–पक्की भएको छ। उमेरको हिसावले चालिस नाँघिसकेकी गायिका ओलीले विहे प्रति आफ्नो कुनै प्रकारको चाहना नै नभएको खुलासा गरेकी छन्। हाल प्रदर्शनमा आएको चलचित्र राजनीतिमा नायक राजेश हमालको नायिकाको रुपमा देखा परेकी ओलीलाई विहेको बारेमा धेरैले प्रश्न तेर्साएपछि विवाहको बारेमा सार्वजनिक धारणा प्रस्तुत गर्न उनी पछि नपरेकी हुन।

विवाह भन्ने कुरा गौण हो । यसलाई त्यति धेरै महत्व र जटिलताको रुपमा लिन नहुने, यसको लागि दबाब सिर्जना गर्न नहुने धारणा प्रस्तुत गर्दै स्वतन्त्र रुपमा जिउने सामाजिक आधार तयार पार्न नै आफूले विहे नगर्ने निर्णय गरेको गायिका ओलीले दावी गरेकी छन् । विहेको लागि कसैवाट प्रस्ताव नै नआएर त्यसो गर्नु भएको हो कि भन्ने प्रश्नमा पनि त्यो पनि नभएको र धेरैवाट राम्रा प्रस्ताव आएतापनि आफूलाई विहे गर्ने रहरै नभएर नगरेको समेत खुलासा गर्न पछि परिनन् ।

लोकदोहरी गायिका भएर व्यापक नाम र दाम कमाइरहेको वर्तमान अवस्थामा चलचित्रमा नायिका बन्नु रहर नभइकन करबर हो भन्न उनी चुक्दिनन् । मेरा शुभचिन्तकहरुले मलाई चलचित्रको पर्दामा नायिका भएको हेर्न चाहे । त्यो चाहनालाई मैले पूरा गरिदिएको मात्र हो । आम नायिका जस्तो नायिका बन्नको लागि मात्र चलचित्रको चक्कर लाउने रहर पनि नभएको बताउने उनले चलचित्र राजनीतिका नायक राजेश हमालसँग आफ्नो पटक्कै केमिष्ट्री मिल्दैन भनेकी छन् ।

पचास नाँघेका नायक हमालसँग विवाह गर्ने कि भन्ने प्रतिप्रश्नमा केमिष्ट्री नमिल्ने मान्छेसँग विहे त संभवको कुरा नै हुँदैन । त्यस्ता मान्छेसँग विहे गर्नु त मूर्खता सिवाय अरु नहुने बताउने विहे नगरिकनै समाजमा उदाहरण बन्ने प्रयत्नमा आफू लाग्ने समेत भनेकी छन् । त्यसका लागि हालसम्म मानसिक रुपमा तयार रहेको र भोलिका दिनमा के हुन्छ–त्यो थाहा नभएतापनि भोलि कसले पो देखेको छ भनेर भन्न पछि परिनन् ।

आज नगद भोलि उधारो भनेजस्तै भोलि कहिले पनि हुदैन । भोलि पनि आज नै हुन्छ । त्यो आजमा नै बाँच्न सिक्नु पर्दछ । म आजमा नै बाँचेकी दृढ विश्वासी अनि संकल्पी नारी भएको दावी गर्दै गायनवाटै नाम अनि दाम कमाएकी भएकोले यस क्षेत्रलाई कदापि नछाड्ने प्रतिवद्धता व्यक्त गरेतापनि राजनीति संभवत अन्तिम लक्ष्य हुन सक्ने संकेत गरिन् । निकट भविष्यमा राजनीतिमा कोमल ओली देखा परेमा कोही पनि आश्चर्यमा नपर्न समेत उनले भनेकी छन् ।