बलीउड बादशाह शाहरुख खान यतिबेला चलचित्र फैनको शुटिङमा ब्यास्थ छन् । चलचित्रको शुटिङ पनि उनकै घरको आसपासमा भैरहेको छ । तर यतिनै बेला आफ्नो घरभित्र पस्न खोज्दा उनलाई गार्डले रोकेपछि शुटिङ हेर्न पुगेका सबै आचर्यमा परे ।
शाहरुखले निकै प्रयास गर्दा पनि आफ्नै घरभित्र पस्न सकेका थिएनन् । अन्तत थाहा भयो कि त्यो सिन पनि चलचित्रको क्यामेराले कैद गरिरहेको रहेछ । अर्थात् शुटिङकै क्रममा शाहरुखलाई गार्डले रोक्ने सिनको छायाँकन भैरहेको रहेछ ।
चलचित्र फैनमा शाहरुखको दोहोरो चूमिकामा देखिदै छन् । चलचित्रमा उनी एक बलीउड सुपरस्टार र अर्को उसैको फ्यानको भूमिकामा देखिदै छन् । त्यो सिन पनि उनी फ्यान भएर सुपरस्टारको घरभित्र छिर्ने प्रयास गर्दाको थियो ।
मनीष शर्माको निर्देशनमा तयार हुँदै गरेको यो चलचित्रलाई आदित्य चोपडाले लगानी गरेका छन् । यशराज फिल्मको ब्यानरमा निर्मित यो चलचित्र १४ अगष्ट २०१५ मा रिलिज हुने छ ।
