• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   शौचालयमा मृत भेटिइन् डा प्रतिभा ★   जीर्ण महोत्तरी कारागारको तत्काल जीर्णोद्धार थाल्न सुझाव ★   आजको आईपीएल: घरेलु मैदानमा कोलकातामाथि जितको खोजिमा बेंगलुरु ★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति

छ वर्षदेखि बेपत्ता डाक्टरको खोजी अस्पताल



जाजरकोट, २७ मंसिर । जिल्ला अस्पतालका एक चिकित्सक विगत छ वर्षदेखि बेपत्ताको सूचीमा परेका छन् ।
सप्तरी जिल्लाको बेलही गाविस–६ घर भएका डा धनिकलाल यादव २०६५ साल माघ २२ देखि अहिलेसम्म बेपत्ताको लिस्टमा रहेका छन् ।
जाजरकोटको जिल्ला अस्पतालमा २०६३ साल असार १९ मा हाजिर भएका डा यादव २०६५ माघ २२ देखि बेपत्ताको सूचीमा रहेका छन् ।
जिल्ला अस्पतालले उनलाई सातपटकसम्म हाजिर हुन सप्तरी घरको ठेगानामा चिठी लेखे पनि उनी अहिलेसम्म सम्पर्कमा आएका छैनन् ।
विसं २०६८ मङ्सिर १९ गते गोरखापत्रमा सूचना प्रकाशित गरी जिल्ला अस्पतालले डा यादवलाई अस्पतालमा हाजिर हुन भन्दै सात दिनको मिति राखेर सूचना प्रकाशित गरे पनि उनी अहिलेसम्म सम्पर्कमा नआएपछि बेपत्ताको लिस्टमा उनको नाम रहेको छ ।
विसं २०६५ देखि अहिलेसम्म डा यादव सम्पर्कमा नभएको भनी जिल्ला अस्पतालले क्षेत्र र विभागलाई तीनपटक प्रमाणपत्रसहित चिठी लेखे पनि विभाग, क्षेत्रले सो चिठी जिल्ला अस्पतालमा फिर्ता गरिदिएको छ ।
विभाग र क्षेत्रले डा यादवलाई कार्बाही गर्नुको साटो उल्टै जिल्लामा सो चिठी फिर्ता गरिदिएपछि जाजरकोटको जिल्ला अस्पताल अचम्ममा परेको एक कर्मचारीले बताएका छन् ।
उनी कहाँ छन् कसैलाई थाहा छैन । डा यादवको पद खाली पनि नहुने, काम पनि नगर्दा जाजरकोटका नागरिकले दुःख पाएका छन् ।
जिल्ला अस्पताल जाजरकोटमा हाजिर भएर पनि २०६३ देखि २०६५ सम्मको बीचको समयमा उनी नेपालगन्ज, सुर्खेतको अस्पतालमा काजमा काम गरेको देखिन्छ ।