• २० मंसिर २०७९, मंगलवार
  •      Tue Dec 6 2022
Logo
Latest
★   राष्ट्रिय दल बन्न नेकपा एसलाई साढे १८ हजार मत पुगेन ★   महाकाली घटनाबारे नेपालले भारतलाई पठायो ‘कूटनीतिक नोट’ ★   रुपन्देही २ मा पुनः मतदानको माग गर्दै सर्वोच्चमा रिट ★   चिया पनि ‘चक्लेटी’ स्वादमा ★   राम्रो कामका लागि गण्डकी प्रदेशमन्त्री गुरुङबाट सिक्नुपर्दछः महासचिव भुसाल ★   वीरगन्जमा रचियो सभ्य र भब्य कन्सर्टको इतिहास– तस्बिरहरु ★   विकल्प डिजिटल हेल्थ इनोभेसन अवार्ड २०२२ बाट जिभि अनलाईन हेल्थ केयर सम्मानित ★   वाग्मती किनारका सुकुम्बासी भन्छन्– ‘भूमि आयोगलाई काम गर्न दिनुपर्छ’ ★   नेयमारद्वारा बिरामी पेलेलाई स्वास्थ्यलाभको कामना ★   साइबर ब्युरोको नक्कली फेसबुक पेज बनाउने एक जना पक्राउ

कृषकले दूध सडकमा पोखे



बनेपा, ७ भदौ । काभ्रेपलाञ्चोकको विभिन्न गाविसबाट सङ्कलन गरेको दूध कृषकले आज बनेपाको स्थानीय चारदोबाटोमा पोखेका छन् । 

नेपाल बन्दका कारण दूधको बिक्री वितरण नभएको र दूध विकास संस्थान (डिडिसी) ले समेत दूध खरिद नगरेकाले कृषकले साङ्केतिक रुपमा विरोधस्वरुप करिब १२० लिटर दूध सडकमा पोखेका हुन् ।
जिल्लाको कुशादेवी, पात्लेखेत, महादेवस्थानलगातयका क्षेत्रबाट आएका झन्डै १०० कृषकले आफूहरुले उत्पादन गरेको दूधको कुनै मूल्य नभएको भन्दै बाटोमा पोखेका थिए । “अझै केही दिन पर्खन्छौँ त्यसबाट पनि समस्या समाधान नभए डिडिसीमा नै लगेरे दूध पोख्छाँै” पात्लेखेत गाविसका अगुवा कृषक वासुदेव उपाध्यायले भन्नुभयो ।
जिल्लामा भूकम्पअघि दैनिक चार लाख लिटर दूध उत्पादन हुने गरेको र उत्पादित दूधमध्ये दुई लाख १० हजार लिटर दूध काठमाडौँ निर्यात भई त्यसबाट जिल्लामा झन्डै दैनिक रु एक करोड ५० लाख भित्रिने गरेको जिल्ला पशु सेवा कार्यालयको तथ्याङ्कमा उल्लेख छ । कृषकले दुई दिनको बन्दबाट मात्रै जिल्लामा करिब रु ५० लाख बराबरको क्षति भएको बताएका छन् । रासस