काठमाडौं, ९ मंसिर । इंग्लिस प्रिमियर लिग फुटबलमा टोटनह्यामले चेल्सीलाई पराजित गरेको छ । शनिबार राति आफ्नै घरेलु मैदानमा भएको खेलमा टोटनह्यामले चेल्सीलाई ३-१ गोलअन्तरले पराजित गरेको हो ।
निकै प्रतिस्पर्धात्मक उक्त खेलमा टोटनह्यामका लागि डेली अली, ह्यारी केन र सन ह्युङ मिनले उत्कृष्ट गोल गरेका थिए । चेल्सीका लागि ओलिभर जेरुडले दाेस्राे हाफमा गोल गरेका थिए । डेलीले खेलको आठौं मिनेटमा गोल गर्दै टोटनह्यामलाई सुरुवाती अग्रता दिलाएका थिए ।
खेलको १६औं मिनेटमा केनले गाेल गरेका थिए ।डिबक्स बाहिरबाट हानेकाे बल डिफेन्डर डेभिड लुइजलाइ छक्याउँदै गाेल भएकाे थियाे ।
पहिलो हाफमा २-० गोलको अग्रता बनाएको टोटनह्यामले दोस्रो हाफमा थप एक गोल गरेकाे थियाे । खेलको ५४औं मिनेटमा मिनले तेस्राे गोल गरेका थिए । पराजयकाे संघारमा पुगेकाे चेल्सीका लागि जेरुडले खेलको ८५औं मिनेटमा सान्त्वना गोल गरेका थिए ।
जितसँगै तेस्रो स्थानमा उक्लिएको टोटनह्यामको १३ खेलबाट ३० अंक भएको छ । यता पराजित चेल्सीको भने १३ खेलबाट २८ अंक भएको छ ।
शनिबार नै भएका अरू खेलमा म्यान्चेस्टर युनाइटेड र क्रिस्टल प्यालेसले गाेलरहीत बराबरी खेलेका छन् भने म्यान्चेस्ट सिटीले वेस्टह्याम युनाइटेडलाइ ४ गाेलले पराजित गरेर पहिलाे स्थानमा कायम छ । त्यस्तै लिभरपुलले वाटफाेर्डलाइ ३ गाेलले पराजित गरेकाे छ ।
पछिल्लाे अंक तालिका निम्न बमाेजिम छः
[table id=2 /]
अाइतबारकाे खेलः
१. अार्सनल २ – १ बर्नमाउथ
२. उल्भ्स ० – २ हडर्सफिल्ड
