चितवन । शुक्रबारबाट चितवनमा सुरु हुने नेकपा एमालेको १० औँ महाधिवेशनको सुरक्षामा १५ सयभन्दा बढी सुरक्षाकर्मी परिचालित हुने भएका छन् ।नेपाल प्रहरी, सशस्त्र प्रहरी, राष्ट्रिय अनुसन्धान विभाग गरी झण्डै एक हजार पाँच सय सुरक्षाकर्मी परिचालन हुनेछन् ।
महाधिवेशनको विशेष सुरक्षाका लागि नेपाल प्रहरीका ८५०, सशस्त्र प्रहरीको ४५० तथा राष्ट्रिय अनुसन्धानको ९० जना सुरक्षाकर्मी परिचालन हुने छन् । त्यस्तै चितवनसँग सिमाना जोडिएको नवलपुरको गैँडाकोटबाट नेपाल प्रहरीका सयभन्दा बढी सुरक्षाकर्मी खटिने छन् ।
महाधिबेशनलाई सम्बोधन गर्न प्रधानमन्त्री एबं नेपाली काग्रेसका सभापति शेरबहादुर देउवा सहित बिभिन्न पार्टीका शिर्षनेताहरु सम्बोधन गर्न जाने भएपछि सरकारले प्रहरी प्रधानकार्यलयले एक एआईजी र दुई डीआईजीलाई महाधिबेशनको सुरक्षाको कमाण्ड दिएको छ ।
एआईजी सहकुल थापा, डीआईजी प्रकाशजङ्ग कार्की र दिवेश लोहनीको कमाण्डमा महाधिवेशनको सुरक्षा व्यवस्था मिलाईएको छ ।महाधिबेशनमा सहभागी हुन एमाले अध्यक्ष केपी ओली आज चितवन पुग्दै हुनुहुन्छ भने अन्य नेताहरु पनि चितबन जाने क्रम जारी रहेको छ ।
