अछाम । पञ्चदेवल विनायक नगरपालिकाले हिंसामा परेका महिलाहरुको सुरक्षाका लागि सेभ हाउस निर्माण गर्न भएको छ ।
हिंसामा परेका महिलाहरुको सुरक्षाको लागि उक्त भवन निर्माण गर्न लागिएको नगर उप–प्रमुख अम्बिका चलाउनेले बताउनु भयो । घर वा समुदायका कारण हिंसामा परेका महिलाहरुलाई न्याय नपान्जेल सम्म उक्त घरमा राखिने उप–प्रमुख चलाउनेको भनाई छ ।उहाँका अनुसार सेभ हाउस निर्माणका लागि कार्यपालिका बैठकले बजेट समेत विनियोजन गरेको छ ।
हिंसामा परेका महिलाहरुले मुद्धा परेको समयमा पिडकले विभिन्न प्रलोभन देखाउदा पिडितले नै बयान फेर्ने गरेका कारण पनि पिडितले न्याय पाउन सकिरहेका छैनन् ।मुद्धा चलिरहेका बेला उनिहरुको बसोबार पिडक संग हुने भएकाले पिडकले विभिन्न डरत्रास देखाउदा पनी पिडितहरुले बयान फेर्ने गरेका छन । समुदायमा महिलामाथि हिंसा भईरहेपनि उनिहरु आफ्नो सुरक्षाका कारण न्याय खोज्न सकिरहेका छैनन् ।
उनिहरुमाथि घर भित्र र बाहिर हिंसा भईरहेको भएपनि न्याय नपाउने डरले हिंसा सहन बाध्य छन् । न्यायिक निकाएमा उजुरी दिए पछि कतिपय महिलाहरु घर निकाला हुनुपरेको उदाहरण समुदायमा देख्न पाईन्छ । उनिहरु कोहि माईतिघर त कोहि आफन्तकोमा गएर सरण माग्दछन । तर अब पञ्चदेवल विनायक नगरपालिकाका महिलाहरुले त्यो समस्या भोग्नु नपर्ने भएको छ ।
