चितवन। नेकपा एमालेको १० औं राष्ट्रिय महाधिवेशन शुक्रबारबाट चितवनको नारायणी किनारमा हुँदैछ । यो महाधिवेशनबाट एमालेले मुख्यत: चारवटा सन्देश दिन खोजेको छ । एमाले प्रवक्ता प्रदीप ज्ञावलीले चितवनबाट फर्कदा एमालेले चारवटा सन्देश दिने बताउनुभयो ।
उहाँले न्यूजपोलारसँग भन्नुभयो, "अनेकन षडयन्त्रका बीच पनि एमाले एकताबद्ध र राष्ट्रिय राजनीतिको निर्णायक शक्ति हो भन्ने पुष्टि गर्नेर्छौ ।"
यसैगरी राष्ट्रिय राजनीतिमा देखिएको चुनौती र लोकतन्त्रको चिरहरण भै रहेको बारे शसक्त रुपमा प्रस्तुत हुने, सबै तहका निर्वाचनमा पहिलो शक्तिका रुपमा उदाउन नयाँ उर्जा सहित क्रियाशील हुने र मुलुक समृद्धिको यात्रामा उत्पन्न भएको अबरोध र जनताको आकाँक्षामा चिसो पानी खन्याएको अवस्थामा मुर्छित सपनाहरु ब्यूताएर फेरि नागरिकमा आश जगाउने बताउनु भयो ।