काठमाडौं । नेपाली कांग्रेस पदाधिकारीको बिबाद मिलेको छ । आज बसेको बैठकले पदाधिकारी संख्या बढाएर १३ पुर्याउने निर्णय गरेपछि बिबाद टुङ्गेको हो । लामो रस्साकस्सीपछि शीर्ष नेताहरुले सहमहामन्त्रीको संख्या ७ पुर्याउने सहमति गरेका छन् ।
बढेको पदमधिकारीमा अब उपसभाति, महामन्त्री २/२ जना हुनेछन् भने समहामन्त्री ७ जना रहनेछन् । १३ पदाधिकारी मध्ये कोषध्यक्षबाट सबै निर्वाचित हुने निर्णय बेठकले गरेको थियो ।
काङ्ग्रेसको सहमतिअनुसार अब विधान संशोधन मस्यौदा समितिले केन्द्रीय कार्यसमितिमा प्रस्ताव लैजाने र त्यसपछि महासमितिमा विधान संशोधन प्रस्ताव पेश हुने ब्यबस्था गरेको छ ।
यो निर्णय अघि उपसभाति, महामन्त्री र समहमहान्त्री २/२ बनाउने सहमति भएपनि समावेशी नभएको भन्दै केन्द्रीय सदस्यहरुले विरोध गरेका थिए । विरोधका कारण पार्टी सभाति शेरबहादुर देउवा पछि हटेपछि बिवाद टुङ्गोमा पुगेको हो । शेरबहादुरले उपसभापति र महामन्त्री एक /एक मनोनित गर्ने प्रस्ताव ल्याएसँगै वरिष्ठ नेता रामचन्द्र पौडेल र कृष्ण सिटौलाले अस्वीकार गरेपछि शुक्रबार नयाँ सहमति जुटेको हो ।
