काठमाडौं । पीएसजीले नन्टलाई १–० गोल अन्तरले हराउदै लिग वानमा १३ अंकको अग्रता बनाएको छ । शनिबार राति भएको खेलमा खेलको एक मात्र गोल एम्बाप्पे गरेका थिए । उनकै एक मात्र गोलको मदतबाट पीएसजीले नन्टलाई १–० गोल अन्तरले हराएको हो ।
घरेलु मैदानमा भएको खेलमा पीएसजीका लागि ६८ औं मिनेटमा एम्बाप्पेले क्लोज रेन्जबाट गोल गरेका थिए । उक्त १ गोलसँगै जारी सिजनमा १२ खेलबाट १३ औं गोल पुर्याएका हुन् ।
कम्बरको चोटका उपचारका लागि ब्राजिल गएका नेइमार बिना मैदान उत्रेको पीएसजीले खेलामा आफ्नो दबदबा जमाउन भने सकेन ।
जितसँगै पीएसजीले १७ खेलबाट ४७ अंक बनाएको छ भने दोस्रो स्थानमा रहेको लिलेको १९ खेलबाट २४ अंक रहेको छ । नन्ट भने २० अंकका साथ दशौं स्थानमा छ ।
