काठमाडौं । कञ्चनपुरकी निर्मला पन्तको हत्यारा पत्ता लगाइदिन आग्रह गर्दै संयुक्त राष्ट्रसंघलाई हस्ताक्षर संकलन गरी बुझाईएको छ ।
त्रिभुवन विश्वविद्यालयका विद्यार्थीहरुले निर्मलाको हतया भएको १५० दिन पुगिसक्दा पनि सरकार र प्रशासनले हत्यामा संग्लगन रहेको हत्यारालाइ समात्न नसकेको भनेर सोमबार पुल्चोकस्थित संयुक्त राष्ट्र संघको कार्यालयमा हस्ताक्षर बुझाएका हुन् ।
यसअघि उनीहरुले माइतीघर मण्डलामा जम्मा भएर निर्मला पन्तको न्यायको निम्ति आवाज बुलन्द गरिदिन आहृवान गर्दै हस्तक्षार अभियान संकलन गरेका थिए ।
गत साउन १० गते बलात्कारपछि हत्या गरिएको अवस्थामा भेटिएका बालिका निर्मला पन्तको हत्यारा पत्ता लगाउने कामका सरकार असफल भएपछि विद्यार्थीहरुले एकसातादेखि हस्ताक्षर संकलन गरेका थिए ।
