मोरङ । जहदा गाउँपालिका–१ कालाबञ्जरस्थित दशगजामा भारतीय पक्षले एक तर्फि सडक निर्माण गर्न थालेको छ । दशगजा मिच्दै भारतको बिहार राज्यको अररिया जिल्ला कुशमाहा मुसहरी बस्तीबाट नेपाली दशगजासम्म १ किलोमिटर सडक बनाएको हो ।
दशगजा क्षेत्रमा कुनै भैतिक निमार्ण कार्य गर्न नपाईने ब्यबस्था रहेपनि भारतिय पक्षल १७४–२ नम्बरको चारपाटे पिलरभन्दा ५ सय मिटर वरपर स्काभेटर चलाउदै पक्कि बाटो बनाएका हो ।
भारतिय पक्षले नेपाली पक्षसँग नसोधि एकतर्फि सडक निर्माण भइरहेको जानकारी प्राप्त भएपछि स्थानियबासी,जनप्रतिनिधि, सशस्त्र प्रहरी र इलाका प्रहरी खटाएर सडक निर्माण रोकेका थिए ।
उक्त सडक निर्माण भएपछि लोहन्द्रा र जुडी खोलाको पानी वर्षायाममा थुनिएर जहदाको १ नम्बर वडा पूर्ण रुपमा जलमग्न हुने भएकाले स्थानियबासी त्रासित बनेका छन् ।
