काठमाडौं । अब नेपालमा कोही पनि गरिब नहुने भएका छन्। प्रधानमन्त्री केपी शर्मा ओलीले नेपालमा कोही पनि गरिब नहुने बताएका हुन्।
तेस्रो श्रम संसदको उद्घाटन गर्दै प्रधानमन्त्री ओलीले सो कुरा बताएका हुन्। सरकारले नेपालमा श्रमजवी जनता को हित गर्ने भएकोले उनीहरुको वृद्धि विकास र आर्थिक स्थिति सुधार गर्नका लागि सधैं सकारात्मक रहने उहाँको भनाइ छ। सरकारले हालै घोषणा गरेको योगदानमा आधारित सामाजिक सुरक्षा कार्यक्रमले धेरै श्रमिकहरुलाई गरिबीबाट मुक्त गर्ने उनले बताए।
‘हामीले मजदुरको मात्र होइन उद्योगीहरुको पनि हित हुने गरी कार्यक्रम ल्याएका छौं,’ प्रधानमन्त्री ओलीले भने, ‘मजदुर र मालिक दुवै पक्षलाई सहमत गराएर ल्याएको सामाजिक सुरक्षा कार्यक्रम धेरैका लागि नौलो विषय हो।’प्रधानमन्त्री ओलीले सरकारले धनीलाई थप धनी हुनबोट रोक्ने नभई गरिबलाई धनी बनाउने बताए।
