काठमाडौँ । इन्डोनेसियामा हालैको ज्वालामुखी विस्फोट र त्यसपछिको सुनामीका कारण धेरै नागरिकको ज्यान गएकोमा नेपालका राष्ट्रपति विद्यादेवी भण्डारीले समवेदना पठाएकी थिइन् । तर राष्ट्रपतिले लेखेको समवेदना परराष्ट्र मन्त्रालयबाट जाँदा भने बधाई लेखेर गयो । यो भन्दा ठूलो भूल कूटनीतिक क्षेत्रमा अरु के होला ? यसले नेपालको कूटनीतिक क्षमतामा कति विधि कमजोरी रहेछ भनेर संसारमै नै बदनाम गराएको छ । त्यो समवेदनाको अनुवाद गरी सम्बन्धित देशमा पठाउने काम परराष्ट्र मन्त्रालयलको हो ।
त्यससँग सम्बन्धित शाखा हो दक्षिणपूर्वी एसियाली महाशाखा । त्यस महाशाखाका सहसचिव तापस अधिकारी हुन् । यस्ता सबै वक्तव्यहरु सहसचिवले हेर्न नभ्याए पनि देशको राष्ट्रपति एवम् प्रधानमन्त्रीले दिएका वक्तव्यहरुलाई भने सहसचिव आफैले अनुवाद गरी राम्रोसँग हेरेर पठाउनुपर्ने हुन्छ ।
अझ पहिले पहिले राजाको पालामा त राजा र राजदरबारका तर्फबाट विदेशका लागि आउने वक्तव्य, सन्देशहरु सम्बन्धित महाशाखाको प्रमुखले हेरिसकेपछि त्यसलाई सचिवले नै फाइनल गर्ने गर्दथे । तर अहिले सचिवले यस्ता सन्देशहरु हेर्ने फुर्सद आफूलाई नहुने भन्दै पन्छिने गरेका परराष्ट्रका अधिकारीहरु बताउँछन् । सचिवले नभ्याएपनि त्यस महाशाखाका प्रमुखले भने अनिवार्य रपमा हेर्नुपर्ने हुन्छ । तर यसपटक भने सो महाशाखाका प्रमुख रहेका तापस अधिकारीले आफू मातहतका अधिकृत भुवन भट्टलाई लेख्न लगाएर आफूले हेर्दै नहेरी पठाइदिएका थिए । राष्टपतिको सन्देश तापसले हेरेपछि पनि सचिवले हेरेर फाइनल गर्नुपर्नेमा कसैले नहेरी अधिकृतलाई ड्राफ्न गर्न लगाएर पठाइदिएपछि यस्तो दुर्घटना हुन पुगेको छ ।
तापस अधिकारीले कहिल्यै पनि यस्तो गम्भीरता नदेखाउने गरेका सो मन्त्रालयका अधिकारीहरु बताउँछन् । तर यति गम्भीर गल्ती हाकिमहरुले गरेर अहिले भने भुवन भट्टको स्पष्टिकरण लिइएको छ । त्यो पनि मन्त्रालयले नगरेपछि मन्त्रीको सचिवायले ती कर्मचारीमाथि कारबाही गरिने भनी विज्ञप्ति जारी गरिएको छ ।
यदि महाशाखा प्रमुख अधिकारीलाई स्पिष्टगरिण लिइयो भने त्यसको असर सचिव शंकरदाश बैरागीलाई पनि पर्ने भएकोले अहिले ती अधिकृतिलाई फसाउन खोजिएको भन्दै परराष्ट्रका कर्मचारीहरु आक्रोषित भएका छन् । उनीहरुले पहिले सचिव र त्यसपछि अधिकारीलाई कारबाही गर्नुपर्ने बताइरहेका स्रोतले जनाएको छ ।
