तस्वीरः सियाराम कुशवाहकाे फेसबुकबाट
काठमाडाैँ । नेपाल कम्युनिष्ट पार्टी राैतहटका नेता एवं कटहरीया नगरपालिकाका प्रमुख सियाराम कुशवाह अहिले सर्वाधिक चर्चामा छन् ।
सर्वाेच्च अदालतबाट काशी तिवारीकाे हत्यामा सफाइ दिएलगत्तै जेलबाट छुटेर शनिबार कटहरीया पुगेका कुशवाहले खुशीयालीमा नगर क्षेत्रमा एक दिन सार्वजनिक विदा दिएका छन् ।
नगरपालिकाका तर्फबाट प्रकाशित सूचनामा नगरपालिकाका सच्चा जनअभिभावक कुशवाह अदालतबाट सफाइ पाएकाे खुशीयालीमा पुस १५ गते अाइतबार सार्वजनिक बिदा दिएकाे जनाइएकाे छ । नगर क्षेत्रका स्कुल समेतका सबै कार्यालय अाइतबार बन्द हुनेछन् ।
कुशवाह सांसद प्रभु शाहलाइ साथमै लिएर हेलिकाेप्टरमा उडेर राैतहट अाेर्लिएका थिए । उनलाइ स्थानीयवासी एवं पार्टीका कार्यकर्ताले स्वागत गरेका थिए ।
उनी गत वैशाखदेखि काशी तिवारीकाे हत्या अभियोगमा जेलमा थिए ।
हेर्नुहाेस् नगरपालिकाकाे सूचना
