काठमाडौं । कर्मचारीहरुको आन्दोलनका कारण संसदीय सुनुवाई प्रभावित भएको छ । विशेष समितिमा प्रस्तावित प्रधानन्यायाधीश चोलेन्द्र समशेर जबराको सुनुवाई चलिरहदा कर्मचारीहरुको आन्दोलन चलेपछि सुनुवाईमा बाधा पुगेको हो ।
सुनुवाई समितिले प्रस्तावित प्रधानन्यायाधीशलाई आइतबार दिउँसो २ बजे बोलाइएको थियो ।
बैठकको सुरुमै जबराले १५ बुँदे कार्ययोजना प्रस्तुत गरेपछि सांसदहरुले प्रश्नहरु राख्ने क्रम थियो । ४ बजे सुनुवाइ सकिने भएपनि सांसदहरुले सुनुवाई प्रक्रिया जारी राख्ने सहमति जुटाएका थिए । सुनुवाई समितिका सभापति कर्णका अनुसार कर्मचारीहरुको आन्दोलनका कारण यो सम्भव नभएको हो ।
भोलि मेलमिलाप दिवसको कार्यक्रममा भएकाले अब बाँकी छलफल पर्सि ११ बजेलाई बैठक राखिएको छ । जबराले पर्सि पनि जवाफ दिने समितिले जनाएको छ ।
