काठमाडौं । सरकार आफैले वाइडबडी विमान खरिद प्रक्रियाबारे छानबिन गर्न बताएको छ ।
रकारका प्रवक्ता एवं सञ्चारमन्त्री गोकुल बास्कोटाका अनुसार लेखा समिति अन्तर्गतको उपसमितिको प्रतिवेदनकै भरमा अहिले नै कसैलाई निलम्बन तथा कारबाही नगर्ने बताएका हुन् । उनले सरकारी पक्षबाट छानबिन गरेर मात्रै कारवाहिको प्रकृया अगाडि बढाइने बास्कोटाले जनाएका छन् ।
बिहिबार संञ्चार मन्त्रालयमा आयोजित पत्रकार सम्मेलनमा मन्त्री बास्कोटाले मन्त्रिपरिषद्का निर्णयहरु सार्वजनिक गर्दैउपसमितिले लेखा समितिलाई प्रतिवेदन बुझाउनु अघि नै खरिद प्रकरणमा निचोड दिएर सार्वजनिक गरेको भन्दै असन्तुष्टि व्यक्त गरेका छन् ।
उनले भने, ‘विगतका पराम्परा, अभ्यास, कानुनी प्रावधान हेरेर समिति बनाउन तयार छौं । त्यसको निचोड नआएसम्म कसैमाथि अभियोग लाग्नासाथ प्रमाणित मानिँदैन । प्रमाणित हुने धेरै निकाय पार गर्नुपर्छ ।’
उनले अभियोग प्रमाणित भएपछि मितको छोरा, आफ्नो छोरा नभन्ने तर, अहिले नै कसैलाई कारबाही नगर्ने बताए । ‘कुनै कुरा आउनासाथ अन्तिम फैसलाका रुपमा ग्रहण गर्न सकिँदैन । छानविनको उचित निष्कर्ष आओस्’, मन्त्री बास्कोटाले भने ।
विज्ञापन नियमन गर्ने विधेयक संसदमा पेश गर्ने, साक्षर वर्ष २०७६ को अवधारणा स्वीकृत गर्ने, उखुको न्यूनतम खरिद मूल्य प्रति क्वीन्टल रु. ५३६ रुपैयाँ ५६ पैसा निर्धारण गर्ने तथा पाँच वटा अस्पताललाई विशेषज्ञ सेवा सहितको अस्पतालमा रुपान्तरण गर्न सैद्धान्तिक सहमति दिने निर्णय पनि मन्त्रिपरिषदले गरेको छ ।
यसैबीच, सार्वजनिक विदाका सम्बन्धमा अध्ययन गरी प्रतिवेदन पेश गर्न मन्त्रिपरिषदले गृहमन्त्री रामबहादुर थापा, माेहम्मद इस्तियाक राइ र रविन्द्र अधिकारी रहेकाे मन्त्रीस्तरीय ३ सदस्यीय समितिले विदाकाे थप विदा दिन सिफारिस गरेकाे छ ।
विदाकाे थप प्रस्तावित सूची निम्न अनुसार छः
मन्त्रिपरिषदको निर्णयको विस्तृत विवरण यसैसाथ छः
[googlepdf url=”http://newspolar.com/wp-content/uploads/2019/01/cabinet-2075-09-19.pdf” download=”Download” ]
