रौतहट । प्रहरी महानिरीक्षक सर्वेन्द्र खनालले सूचना प्रविधिको अभावमाकाम गर्न बाधा पुगेको बताएका छन् ।रौतहटको गौरमा सीसी क्यामेराको उद्घाटन गर्दै उनले अपराध नियन्त्रण गर्ने, अनुसन्धान गर्ने र शान्ति सुरक्षा कायम गर्न प्रविधिको अभावमा कठिन भएको बताएका हुन् ।
अपराधी प्रहरी भन्दा पनि सिपालु भएका कारणले बिभिन्न नया-नयाँ प्रविधिको प्रयोग गरेर टाढैबाट घटना गराउने गरेकाले प्रहरीलाई पनि प्रविधियुक्त बनाउनुपर्ने महानिरीक्षक खनालको जोड थियो ।
केही प्रहरी कर्मचारीको बदमासीका कारण सिङ्गो संगठनलाई बदनाम हुने भएकाले बदनाम गराउने खराब प्रहरीलाई संगठनबाट हटाउने कार्यको थालनि भएको उनले बताए ।
नराम्रो गर्नेहरु प्रहरीमै नरहने भन्दै महानिरीक्षक खनालले नागरिकको जीउधन र सुरक्षाका लागि खटने प्रहरी नराम्रो हुन नहुने बताए ।
