नेपालगन्ज । गत शनिबार कोहलपुरको नयाँ बसपार्क नजिक घाँटी रेटेर हत्या गरेको आरोपमा एक जनालाई पक्राउ गरिएको छ ।
जिल्ला प्रहरी कार्यालय बाँके, इलाका प्रहरी कार्यालय कोहलपुर र जिल्ला प्रहरी कार्यालयबाट बर्दियाबाट खटिएको टोलिले केही बेर अगाडि मात्रै एक युवकलाई पक्राउ गरेको हो ।
प्रहरी स्रोतका अनुसार मंगलबार सुर्खेतबाट पक्राउ परेका युवकले दिएको सुचनाको आधारमा अर्का युवकलाई पक्राउ गरेको हो ।
प्रहरीको अनुसार शनिबार घाँटी रेटेर हत्या गरिएको युवकको भिडियो बर्दियाबाट पक्राउ परेका युवकको मोबाइलमा कैद भएका कारण अनुसन्धानको निम्ति भन्दै पक्राउ गरिएको हो ।
नयाँ बसपार्क नजिक शनिबार बिहान सिम्ता गाउँपालिका ४ सुर्खेतका २१ बर्षिय दिपक सिंह ठकुरीको हत्या गरिएको अवस्थामा शव फेला परेका थियो ।
