काठमाडौं । सञ्चार माध्यमहरुले नेपालको नक्सा गलत तरिकाले प्रयोग गर्न थालेपछि त्यसलाई रोक्न भन्दै नयाँ नियम कानुनको निर्णमान गरिएको छ ।
नापी विभागले आइतबार पत्रकार सम्मेलन गरी कुनैपनि सञ्चारमाध्यमले नेपालको नक्सा प्रकाशन तथा प्रशारण गर्नुअघि आधिकारिक हो होइन भनेर जाँचेरमात्रै प्रकाशन गर्न आग्रह गरेको छ । विभागले आभिकारीकभन्दा अन्य नक्सा प्रयोग गरे कानुनको भागिदार हुने भन्दै सबैलाई सजक रहन आग्रह गरेको हो ।
विभागले २०७४ साल असोज २ बाट नयाँ नक्सा प्रयोगमा ल्याएपनि अधिकांश मिडिया, विज्ञापन कम्पनी, बैंक तथा वित्तीय संस्थाहरुले समेत उक्त नक्साको गलत प्रयोग गरिएको पाईएको हो । विभागले प्रयोगमा ल्याएको नक्साभन्दा बिपरीतका नक्सा प्रयोग गरिरहेकाले सबैले यसको बिषयमा ध्यान दिन आग्रह गरेका छन् ।
राष्ट्रियताजस्तो विषयमा सबैले अलिकति ध्यान दिनुपर्ने हो । ध्यान नदिँदा गलत सन्देश प्रवाह हुन्छ । त्यसैले हामीले बारम्बार भन्दै आएका छौँ । यदि कसैले नेपालको नक्सा प्रयोग गर्नुपर्यो भने विभागको वेवसाइटबाट निःशुल्क डाउनलोड गरेर प्रयोग गर्न आग्रह गर्दछौँ’ पत्रकार सम्मेलनमा विभागका महानिर्देशक गणेश भट्टले भने ।
विभागले यसै बिषयमा आजसहित चार पटक पत्रकार सम्मेलन गरेरको भन्दै उक्त सम्मेलनमा आधिकारीक नक्सा प्रयोग गर्न आग्रह गरिएको र सवै सरकारकारी कार्यालयमा पत्र समेत पठाइएको बताएको छ । अब पनि नक्साको गलत प्रयोग गरे कारवाहीको प्रक्रियामा जाने भट्टले जनकारी दिएका छन् ।
विभागले यदि नक्साको गलत प्रयोग गरे जग्गा नापजाँच ऐन, २०१९ को दफा १२ (५) बमोजिम रु २० हजार जरिवाना हुनुका साथै सम्पूर्ण प्रकाशन सामाग्रीहरु जफत गरिने जनाएको छ ।
