सप्तरी । राजविराज–रुपनी सडकखण्डस्थित रुपनी चोकमा प्रहरीसँग भएको मुठभेडमा एक जना मारिएका छन् ।
मारिनेमा कडरबोनाका ३० वर्षीय दीपेन्द्र चौधरी रहेको जिल्ला प्रहरी कार्यालयका प्रहरी उपरीक्षक राजेन्द्र विष्टले जानकारी दिए ।
विष्टका अनुसार जाँचका क्रममा रोक्न खोजेपछि चौधरीले प्रहरीमाथि गोली फायर गरेका थिए । प्रहरीले जवाफी फायरिङ गर्दा मोटरसाइकल पछाडि बसेका चौधरीको मृत्यु भएको हो ।
चौधरीसँगै मोटरसाइकल सवार मोटरसाइकल चालक भने फरार भएका छन् ।
चौधरीको टाउकोमा गोली लागेको छ । उनको साथबाट एक थान कटुवा पेस्तोलसमेत बरामद गरिएको प्रहरीले जनाएको छ ।
