काठमाडौं । कांग्रेस सांसद डिला संग्रौलाले दुई तिहाईको सरकारले आर्थिक विकासमा फड्को मार्छ भन्ने जनताको भरोसा टुटिसकेको बताएकी छिन् । । उनले एक वर्षदेखि सरकारको आर्थिक स्थिती चिन्ताजनक रहेको भन्दै सरकारले त्यसको सुधारको निम्ति कुनै चासो नदेखाएको आरोप लगाएकी छिन् ।
बुधबार बसेको प्रतिनिधि सभाको बैठकमा शुन्य समयमा बोल्दै संग्रौलाले भनिन्, ‘अहिले व्यापार घाटा बढेको, शोधनान्तर घाटा बढी भएको, विकास खर्च कम भएको, विदेशी लगानी खुम्चिँदै गएको, तरलताको अभावले निर्माण सामग्री र उपभोग्य समााग्रीको विक्री घटेको छ ।’
उनले भनिन् ‘अहिले नेपाली उद्योग व्यवसायीहरु समेत निराश रहेको बेलामा सरकारको सुखी नेपाली सम्बृद्ध नेपालको परिकल्पना पूरा हुन सक्छ ?’
