काठमाडौ।नेकपा माओवादी केन्द्रका अध्यक्ष पुष्पकमल दाहालले राप्रपाको एकता महाधिवेशनलाई शुभकामना दिँदै एमालेको आलोचना गर्नु भएको छ । शुभकामना दिँदै उहाँले भन्नुभयो, "तपाईहरु तीन पार्टी मिले पछि एकता महाधिवेशन गर्नुभयो तर तीन पार्टी फुटाएर एकता महाधिवेशन भन्दै रमिता गरेको पनि देखियो । तपाइँहरूले जाली झेली काम गर्नु भएन, जे छ त्यही गर्नुभयो ।"
माओवादी अध्यक्ष दाहालले राप्रपासँग विचार र मत नमिल्ने भएपनि राष्ट्रिय भावना र स्वाधीनताका कारण एउटै गोत्रमा रहेको बताउनु भयो । तर प्रचण्डले नेकपा मालेका महासचिव सीपी मैनालीले राजसंस्था प्रति गर्नुभएको सकारात्मक टिप्पणी प्रति कटाक्ष गर्नुभयो ।
उहाँले भन्नुभयो, "सी पी जीहरु गणतन्त्रका लागि राजा फाल्नु पर्छ भन्दै टाउको काट्दै हिँड्नु भयो । अहिले पानी माथिको ओभानो बन्न खोज्दै हुनुहुन्छ । राप्रपाको अध्यक्ष बन्न लाग्नु भएको हो भने सीपीजीलाई शुभकामना ।"
