• २ असार २०८१, आईतवार
  •      Sun Jun 16 2024
  •   Unicode
Logo

देउवाले निर्मलाको घरमै पुगेर भने- ढिलो चाँडो अपराधी पत्ता लाग्छ, कांग्रेसले पहल गर्छ



कञ्चनपुर । पूर्व प्रधानमन्त्री एवं नेपाली कांग्रेसका सभापति शेरबहादुर देउवाले बलात्कारपछि हत्या गरिएकी निर्मला पन्तका परिवारलाई भेटेका छन् । देउवाले निर्मलाकी आमालाई भेटेर ढिलो चाँडो अपराधी पत्ता लागाउने आश्वासन दिएका हुन् ।

शुक्रबार भीमदत्त नगरपालिका–२ उल्टाखामस्थित घरमै पुगेर देउवाले भने , ढिलो चाँडो हत्यारा पत्ता लाग्छ, कांग्रेसले पहल गरिरहेको छ, बलात्कारपछि हत्या जस्तो जघन्य अपराधका दोषीलाई छाड्ने कुरै हुँदैन, हामीले पनि आवश्यक पहल गरिरहेको छौ । उनले हत्यारा राजनीति झण्डा बोकेको कार्यकर्ता वा नेता भएपनि चाढै न कठघरामा लयाइने भन्दै ढुक्क भएर बस्न हुन आग्रह गरेका हुन् ।

दुर्गादेवीले घटना भएको ७ महिना पूरा हुँदा पनि हत्यारा पत्ता नलागेकाले सहयोग गर्न आग्रह गरेकी थिइन् । उनले लगातारको धर्नाले बिरामी भएका श्रीमान् यज्ञराज र निर्मलाकी कान्छी आमा लक्ष्मी उपचारका लागि काठमाडौँ गएकाले त्यसमा पनि आवश्यक सहयोग गरिदिन आग्रह गरिन्।

परिवारलाई भेट्न कांग्रेस केन्द्रीय सदस्य एनपी सावद लगायत स्थानीय नेता तथा कार्यकर्ताहरु समेत पुगेका थिए।