काठमाडौं । प्रतिनिधिसभामो बैठक आज बस्दै छ । बिहान ११ बजे बस्ने बैठकबाट सरकारले आगामी आर्थिक वर्षको बजेट पारित गर्ने तयारी गरेको छ ।

संसद् भवन बानेश्वरमा बस्ने बैठकले गत जेठ १५ गते सार्वजनिक गरेको बजेट पारित गर्ने छ । अर्थमन्त्री वर्षमान पुनले विनियोजन विधेयक पारित गरियोस् भन्ने प्रस्ताव राखेपछि संसद्को बहुमतले बजेट पारित गर्ने छ ।

त्यसैगरी आजको बैठकमा आर्थिक विधेयकमाथि विचार गरियोस् भन्ने प्रस्ताव पनि अर्थमन्त्रीले प्रस्तुत गर्नुहुने छ । यस्तै राष्ट्रय ऋण उठाउने विधेयक र भन्सार महसुलसम्बन्धी विधेयकमाथि पनि विचार गरियोस् भनी प्रस्तुत गर्ने कार्यसूची छ ।

यसअघि आज विनियोजन विधेयकमाथिको छलफलमा उठेका प्रश्नहरुको मन्त्रीले जवाफ दिने कार्यसूची छ ।

स्वास्थ्य तथा जनसंख्या मन्त्री प्रदीप यादवले विनियोजन विधेयकअन्तर्गत स्वास्थ्य तथा जनसंख्या मन्त्रालय सम्बन्ध्मा सदस्यहरुले सोधेको स्पष्टीकरणको जवाफ दिनुहुने छ ।

यसैगरी युवा तथा खेलकुद मन्त्रालय, वन तथा वातावरण मन्त्रालय, शिक्षा, विज्ञान तथा प्रविधि मन्त्रालय, श्रम, रोजगार तथा सामाजिक सुरक्षा मन्त्रालय, सहरी विकास मन्त्रालय, रक्षा मन्त्रालय, खानेपानी मन्त्रालय, महिला, बालबालिका तथा ज्येष्ठ नागरिक मन्त्रालय, संस्कृति, पर्यटन तथा नागरिक उड्डयन मन्त्रालय, संघीय मामिला तथा सामान्य प्रशासन मन्त्रालय, उर्जा, जलस्रोत तथा सिँचाइ मन्त्रालय, अर्थ मन्त्रालय, गृह मन्त्रालय, परराष्ट्र मन्त्रालय, भौतिक पूर्वाधार तथा यातायात मन्त्रालय, प्रधानमन्त्री तथा मन्त्रिपरिषद्को कार्यालय, राष्ट्रिय योजना आयोग, उपराष्ट्रपतिको कार्यालय र राष्ट्रपतिको कार्यालयका विभिन्न शीर्षकमाथिको छलफलको क्रममा उठेका प्रश्नको जवाफ सम्बन्धित मन्त्रीले दिनुहुने छ ।

यसैगरी विभिन्न मन्त्रालयका विभिन्न शीषकमा सांसदहरुले राखेको खर्च कटौतीका प्रस्ताव पनि आजै पेश हुने छन् ।
यसैगरी प्रतिनिधिसभाको आजको बैठकमा सुरक्षित कारोबार विधेयक २०८० का सम्बन्धमा राष्ट्रिय सभाबाट प्राप्त सन्देशसहितको विधेयक टेबुल गर्ने कार्यसूची छ ।

[pdf-embedder url=”https://newspolar.com/wp-content/uploads/2024/06/Samsad-1.pdf”]