काठमाडौँ । हालै गरिएको एक अध्ययनमा खुलासा भए अनुसार पुरुष महिलाहरू भन्दा धेरै झूटो बोल्दछन् । एकातिर महिलाहरू कसैको भावनामा ठेस नपुगोस भन्ने डरले साँचो कुरा लुकाउछन् भने, अर्कोतिर पुरूष आफ्नो पैसा बचाउँन वा बहसमा जित्नका लागी झूटोको साहरा लिने गर्दछन् । औसतमा पुरुषहरू सातामा ४ पटक झुटो बोलने गर्दछन् वा साँचो कुरा लुकाउने कोशिश गर्दछन् ।
जबकि महिलाहरू सातामा तीन पटक यसो गर्दछन् । कसैलाइ मुस्किल अबस्थाबाट निकाल्ने मामलामा पनि पुरुषहरू प्रायजसो झूटो बोल्दछन् । पुरुषहरू कुनैपनि कुरालाइ अझ बढि सनसनीखेज बनाउने कोशिश गर्दछन् । २००० जना ब्रिटिश युवकहरूमाथि गरिएको ताजा एक सर्वेमा यो कुराको खुलासा भएको हो ।
मानिसहरू सबैभन्दा धेरै झूट आफ्नो मूडलाइ लिएर बोल्दछन् । दुखित पुरूष दुखी भएर पनि ‘म ठीक छु’ भनेर झूटो बोल्दै यस कुरालाइ रोक्ने गर्दछन् । अर्को सबैभन्दा झूटो कुरा कुनै गिफ्ट मन नपरेपनि दिनेलाइ नराम्रो नलागोस भनेर राम्रो भन्ने गर्दछन् । यस पछि कुनै चीजको मूल्य तथा रोगका बारेमा पुरूषहरू सबैभन्दा धेरै झूटो बोल्ने गरेको कुरा उक्त सर्वेमा देखिएको छ ।
