काठमाडौँ । बंगलादेशविरुद्धको दोस्रो टेस्ट न्यूजिल्याण्डले जितेको छ । न्यूजिल्यान्डले रोज टेलरको दोहोरो सतकसँगै बंगलादेशविरुद्धको एक इनिङ र १२ रनको जित दर्ता गरेको हो। यससँगै न्यूजिल्यान्डले ३ टेस्टको श्रृंखला २–० को जित निकालेको छ ।
न्यूजिल्याडले टेलरको २०० रनको योगदान गरेसँगै बलियो अबस्थामा पुगेको थियो ।
पाचौं तथा अन्तिम दिन न्यूजिल्यान्डलाई जितका लागि सात विकेटको आवश्यकता थियो भने बंगलादेशलाई इनिङ हार टार्न १ सय ४१ रन चाहिएको थियो । तर बंगलादेशलाई अल आउट गर्न होम टिमलाई एउटै सेसन पर्याप्त भयो । न्यूजिल्यान्डका लेफ्ट आर्म बलर नील वाङ्गर र ट्रेन्ट बोल्टले बंगलादेशी ब्याट्सम्यानलाई धराशयी बनाएका थिए । वाङ्गरले १० ओभर बलिङ गर्दा ३७ रन खर्चेर ५ विकेट लिए । यसैगरी बोल्टले ३८ रन खर्चेर ३ विकेट आफ्नो पोल्टामा पारे । बंगलादेशका मोमदुल्लाहले सर्वाधिक ६७ रन बनाए पनि इनिङ हार टार्न सकेनन् ।
यसअघि पहिलो इनिङमा बंगलादेशले २ सय ११ रन जोडेको थियो, जसमा तमिम इकवालले सर्वाधिक ७४ रन बनाएका थिए । न्यूजिल्यान्डले ४ सय ३२ रन बनाएर इनिङ समाप्तिको घोषणा गरेको थियो । न्यूजिल्यान्डका निकोल्सले १०७ र विलियम्सनले ७४ रन बनाएर टेलरलाई साथ दिएका थिए ।
