काठमाडौं । निर्वाचन आयोगको प्रमुख आयुक्तमा संघीय मामिला तथा सामान्य प्रशासन मन्त्रालयका सचिव दिनेशकुमार थपलिया सिफारिस भएका छन् ।
संवैधानिक परिषद्को सोमबार बसेको बैठकले प्रमुख निर्वाचन आयुक्तमा थपलियालाई नियुक्त गर्न सिफारिस गरेको हो ।
प्रमुख आयुक्त अयोधिप्रसाद यादवले आइतबारबाट अनिवार्य अवकाश पाएपछि सो पद रिक्त थियो । पद रिक्त भएको भोलिपल्टै बसेको परिषद् बैठकले थपलियालाई प्रमुख आयुक्त सिफारिस गरेको हो । थपलियाले सोमबार नै सचिव पदबाट राजीनामा दिएका छन् ।
आयुक्त इला शर्माले पनि आइतबार मात्रै अवकाश पाएकी थिइन् । रिक्त आयुक्त पदमा भने सिफारिस गरिएको छैन । समावेशी आयोगको सदस्यमा मकवानपुरकी विष्णुमाया ओझालाई नियुक्त गर्न सिफारिस गरिएको छ । राजधानी दैनिकमा खबर छ ।
