काठमाडौं । फिफा र यूईएफएले मान्यता नदिएपनि जेरार्ड पिकेले क्याटलोनियाबाट अन्तराष्ट्रिय फुटबल खेलिरहेका छन् । स्पेनका लागि विश्वकप खेलेर सन्यास लिसकेपनि उनले क्याटलानबाट फुटबल खेल्न छाडेका छैनन् । क्याटलोनियाका लागि पिकेको यो दशौं खेल हो ।
बार्सिलोनाका डिफेण्डर पिकेले भेनेजुएलाविरुद्ध क्याटलोनियाबाट मैत्रीपूर्ण फुटबल खेलेका हुन् । क्याटलोनियालाई कुनै फुटबल निकायले मान्यता दिएको छैन । त्यसैले यो खेलले आधिकारिक मान्यता पाउँदैन् । तर, उनले गिरोनामा सयौं दर्शकका अगाडि खेले ।
यो खेल क्याटलोनियाले २–१ ले जितेको छ ।
